Previous
Next

「完啦好嘛…?放過我啦好嘛?」

「我真係覺得你逼得我好緊要…」

「我一早講咗要時間,一早講過我性格就係唔講自己嘢…」

「但你就係都要逼我逼我逼我…」

「唔只一次…」

「我知你有寫,我亦都有睇,但唔代表我要理你。」

「我真係接受唔到,你一有咩唔合心意嘅就發脾氣…」

「咁我真係唔係一個符合到你條件嘅人,我無可能咩都講晒俾你知。」

「但你就連少少空間都唔俾我。」

「咁樣可以一齊咩?」

「你覺得我年紀仲細?仲可以去試,去fail?」

「你俾唔到信心我。」

「我有諗過,我真係有諗過。」

「但係你一次又一次令我失望。」

「我都好失望,我都好失落,我都好唔開心。」

「你又有冇企喺我角度諗過?」

「無呀,你剩係識諗你自己。」

「我都好辛苦呀,我都好難受呀。」

「你又知咩?」

「點解每一次你都唔識得體諒我?」

「我只不過係想有個人,可以俾我倚靠,可以理解我,可以靜靜地陪住我。」

「而你就乜都要問我問我問我。」

「我唔想答呀。」

「唔關你重唔重要、夠唔夠重要事,而係我只係唔想答,你明唔明呀?」

「我真係有諗過,但我知道個結果會係點。」

「你唔係嗰個人。」

「時間?點解當初你又要咁急?點解要三番四次逼我答你?」

「太遲喇。」

「事到如今,你覺得可以返轉頭咩?」

「你講過太多嘢去傷害我,做過太多嘢去逼我。」

「我甚至唔想留一個咁樣嘅人喺我身邊。」

「我哋根本唔夾,你其實自己都知。」

「無謂浪費大家時間。」

「最後一次已經完咗喇。」

「完啦好嘛?」

「你咁樣有咩意思?」

「你唔好咁啦!」

「做咩要咁?值得咩?」

「唔值得呀!我唔會鍾意你,我講得好清楚。」

「你會後悔。」

「我唔會俾機會你。」

「咁又有咩分別呢?」

「唉你鍾意…」

「真係最後一次。」

「真係真係最後一次。」

「唔會再有下次,唔會再俾機會你。」

「嗯…」

「嗯…」

「哈!唔好笑!」

「無呀,唔好笑呀,你走開啦!」

「嗱!你又嚟!又係咁!」

「唉好啦…」

「嗯…」

「嗯…」

「真係最後一次。」

「我唔保證啲乜嘢。」

「你死啦你!」

「係咁。」

Please Login to Comment.