三十六
為什麼？
為什麼要這樣對我？
為什麼要漠視我的付出？
為什麼要因為一件事就推翻我們的過去？
為什麼你就不能說清楚？
為什麼我們不能坐下來好好談一下我們之間的問題？
為什麼你一點都不理解我的心情？
為什麼你看不見我有多愛你有多珍惜你？
為什麼要把我拒諸門外？
為什麼？
我不懂得拍拖，真的不懂。要如何和她相處，要如何拿捏進退，我一概不懂。
「阿姨，紮花送俾你…」我有氣無力地對保安嬸嬸說。
「吓？乜咁浪費呀？女朋友仔唔嚟拎呀？」嬸嬸有點可惜地說。
「係呀…你覺得靚就收咗佢啦…唔鍾意嘅話就丟咗佢啦…」我說。
「咁又唔好丟…你女朋友仔住邊個單位呀？我睇下收工前見唔見到佢落嚟？」
「呃…8樓b…不過都係由佢啦，佢唔想要。」
「哎呀後生仔，女仔都係口是心非㗎嘛！8樓b嘛，妍女呀嘛？得啦得啦，阿姨見到佢嘅話幫你講兩句好說話！」
「阿姨你記性好好喎！知道晒咩單位住咩人？」我有點好奇地問。
「咁又未至於！妍女有禮貌又靚女，見親面都同我打招呼，咪印象深刻啲囉！同埋我見你都熟口熟面，應該係成日送佢返到大堂門口嗰位哥仔呢？」
「係呀…」我說。
「妍女好女仔嚟㗎！人少少我話過你知吖，呢棟大廈有幾個同你差唔多年紀嘅後生仔都暗戀佢！」保安嬸嬸說。
「咁你都知？」
「唉！我做保安做咗咁多年，眉頭眼額點都識睇嘅！後生仔，你要好好珍惜人呀！」
「希望我仲有機會珍惜佢…」我說。
「阿姨我盡人事啦！無謂浪費紮咁靚嘅花嘛！」
「麻煩晒你…咁我走先喇。」
「好聲行呀！」
遇上好人，總覺得心情沒了那麼煩躁。
希望保安嬸嬸真能充當好和事佬，讓穎妍別再像刺蝟一樣對著我。
「fu00nggc19，碌鳩曉轉灣嗰條友嘅telegram id。多撚謝我啦兄弟！」恐龍傳來訊息。
「嘩屌！一日咋喎，點做到？」
「出賣色相呀！屌你！」恐龍說。
「咁難為你？點多謝你好呀？」
「氹返條女就當係多謝我啦！」
「嘴啖先！」
恐龍這個花名，除了是因為他外表粗獷，說話狂野之外，還有一個原因，是他好人的程度簡直是絕了種，才會叫恐龍。為兄弟，他總是水裡水裡去火裡火裡去。
難怪他仍然單身，因為他是一個好人。
「hello！我係恐龍介紹㗎…有啲嘢想請教下你！」事不宜遲，為了不白費恐龍的心機，我馬上找「碌鳩曉轉灣」。
「恐龍？邊位恐龍？我係聽人講過有人想搵我，但唔係恐龍喎。」他說。
見到「碌鳩曉轉灣」這樣回覆，我有點一頭霧水，連忙cap圖傳送給恐龍。
「屌！我係托mary拎佢contact㗎！」恐龍說。
「吓？二百磅嗰個mary？」
「係呀屌你！我用同佢出一日街嚟交易個contact返嚟㗎！你話係mary個朋友sophia介紹啦！」
「sophia？中文系系花sophia？」
「係呀！咪撚問咁柒多啦！專心取經，氹返自己條女！」恐龍說。
大概的情況我已經掌握到了。二百磅的mary和sophia是好朋友，而sophia身為系花很自然地會有「碌鳩曉轉灣」的contact，而恐龍則犧牲色相托mary問sophia拿「碌鳩曉轉灣」的contact再給我。
辛苦你了兄弟。
「係sophia介紹先啱！」我連忙回覆「碌鳩曉轉灣」。
「哦！咁你有咩想問？」他說。
我把我和穎妍的情況形容給他，想看看他有什麼高見。
「bro，你梗係之前未拍過拖頂喇！」他說。
我就像被街邊的算命佬說中我是青頭仔一樣震驚，想不到這位「碌鳩曉轉灣」確實是有點料子。
「何出此言？」
「哈！就憑你同佢吵完大獲第日就送花，已經知道你差咁啲經驗！」他說。
「唔係係女都鍾意花嘅咩？」我問。
「錯！女唔係鍾意花，係鍾意收花！你知唔知一紮花點解賣咁貴？又知唔知一紮花最大嘅價值喺邊？」他問我。
「唔知…」
「咁你知唔知，一朵花要點樣先可以生得靚？」
「有太陽？」我腦海中仍然漂浮著十萬個問號。
「無錯！一知記之曰，花係要曬㗎！啲女收花，你估真係用嚟擺咩？係用嚟曬！拎住大大紮花，你估唔重？喺條街到揚嚟揚去，你估唔攰？但點解手袋就要你拎，花就自己托先？咪就係想拎嚟曬之嘛！」他說得頭頭是道，讓我覺得也好像有點道理。
「咁即係唔好送花道歉？」我問。
「巴打，兩性關係呢啲嘢唔係一本死書讀到老嘅！唔係每個case都唔好送花道歉嘅，不過你個case呢，就同火上加油無咩分別囉！」他說。
「咁幾時先好送花呢？」我再問，難得「碌鳩曉轉灣」他用出寶貴的時間來為我解答問題，當然要把握機會問到盡。
「花嚟講，就好似關係嘅催化劑咁，喺浪漫嘅氛圍之下送，先發揮到200％嘅功用，如果你聽到有人話送花可以氹返條女，我可以講，係bullshit！嗰啲情況通常都係條仔做錯小事，例如遲到五分鐘咁樣，送花道歉先work。因為條女根本無嬲，純粹係扮吓嘢想人氹、想撒嬌、想收花，但你個case呢，聽得出條女堅嬲，好撚嬲，嬲到幾乎想分手嗰種，你仲送花？簡直係用嚟幫自己陪葬！」他說。
不愧為「碌鳩曉轉灣」，真是抵他食咁多女。
「我可以點…？」
「好在，你識得搵我！」他說。
這個停頓，這個節奏，不是想收費吧…？
「嗱巴打，教你一招，放置play！」
「放置play？即係點？」我問。
「即係咪撚理條女！歉你就道咗喇，佢受唔受嘅選擇權始終喺佢到，你逼都逼唔嚟，但直接逼唔嚟啫，可以間接逼㗎嘛！」他說。
屌你可否一次過說完…每次都停下停下到底是不是要收費？
「有咩高招？求指教！」我問。
「嗱，話你知，女人嘅競技心其實好重嘅，當然唔係所有啦，不過十個有九個女人都會同周邊嘅女性產生競爭意識，我啱先講佢哋鍾意收花都係同樣原理，啲女拎紮花喺條街到揚嚟揚去其實即係同所有同一條街嘅女人宣戰，係show off緊一啲人無佢有嘅嘢！要記住！呢個世界唔存在俾男人氹返女人，只有選擇俾唔俾男人氹返嘅女人，明無？」他說。
「消化下…消化下…」
「即係話，你要條女覺得佢係proud of擁有你，你越獻欣勤、越係唔知醜咁懶係有咩誠意呀愛意呀嗰啲只會貶低你嘅身價，令條女覺得你煩，覺得你無價值！至於具體點做去提升自己價值，你自己諗啦！」他說。
「俾啲tips好嘛…？」
「唉，最直接嘅方法，就係提高佢朋友口中對你嘅評價！你諗下佢身邊有無咩friend會同佢一齊聚會，但又唔係好close嘅friend，搵佢地落手，一頭半個月之後，再say多次sorry，十之八九搞得掂呀！」他說。
「明白！我點多謝你好？」
「客咩氣，你係sophia啲friend，即係我啲friend！加油啦巴打！」