三十七
請教完高人之後，我不斷前後左右反覆思考他的說話。
越想越覺得利害，相信即使他碌鳩不會轉灣，也能食到很多女。
不過，我卻從中發現了一個很矛盾的地方。
「碌鳩曉轉灣」所說的，雖然很有道理，但卻是從一個抽離的角度去分析。
簡單地說，即是他在一段關係當中根本沒有投入自己，才能以這種理性的觀點去解剖每位女生、從而攻略。
我並不是否定他的觀點，反而覺得有點過份正確，像是把愛情公式化，只要代入適當的行動，便能解開方程一樣。
硬要說的話，就是少了點人性，少了點投入，多了點計算。
那樣，還算得上是愛嗎？
如果我按著他說的話，走去flirt穎妍身邊的朋友，那麼我豈不是背叛了穎妍？
又如果，那位被我flirt的女生真的喜歡了我，那我豈不是一次過背叛了兩位女生？
最後我還是決定只按他一半的指引，純粹採用放置play策略，如果單純的放置play起不到作用，我才作進一步打算。
兩星期。
在這兩星期當中，我要堅決把穎妍放置到底，即使在學校碰面亦只會禮貌地微笑，可迴避的共同聚會都通通避開，不找她、不找她、不找她！
這樣的日子即使連一天也覺得難熬…看著她和其他人有說有笑的樣子，自己是多麼想一上前把她拉走，和我二人世界。
「喂，點撚樣呀？嗰條友仔啲tips work唔work呀？」恐龍搭著我的膊頭問。
「我無用到…」我說。
「吓？屌你呀！我咁撚辛苦幫你拎佢contact，你搞咩呀師父…？」恐龍有點有氣無力地說。
「又唔可以話無用到嘅，用緊一半囉…」我連忙補充。
「即係點？條友仔啲橋唔work？」恐龍問。
「work唔work就未知…但係，如果你要我背叛佢先可以令佢睬返我…咁我寧願等多陣。」我說。
「吓？咁玄？」
「咪講我住先，要你犧牲色相陪mary去街，去成點？」我問。
「你都咪話，其實mary幾好人，係肥咗啲，如果減咁啲嘅話…」恐龍像是意猶未盡地說。
「美極了！」我不禁概嘆。
「不過佢成200磅，減咁啲嘅話都掛唔到鼓。」
「掛到鼓嘅話就ok？你練大隻啲囉！」我說。
「考慮下…」
難怪恐龍一直單身，原來對老泥有一份執著，普通女生在他心中簡直是毫無份量！
「咪住先！我突然之間諗到啲嘢！」記憶中突然閃出「碌鳩曉轉灣」的建議。
「乜鳩？」恐龍問。
既然真flirt是一種背叛，那麼找個人來做戲不就行了？
「你同mary而家熟唔熟？」我問。
「ok啦！叫係朋友吹到兩嘴囉，做咩？」
「吹咩先？」
「屌你講唔講呀？」
「我想請mary同我做一場戲。」我說。
我和穎妍並不同學系，但卻是同一個莊，都是攝影學會的莊員。
我打算把mary帶到下一次學會的活動上，說她想體驗入莊，並在活動中教她使用各種攝影器材，從而燃點「碌鳩曉轉灣」所說的十個女人九個有的競技心。
雖然不確定mary的200磅會否妨礙我整個計劃進行，不過正因為她的200磅，讓我不用背負背叛穎妍的壓力，亦可以同時試驗「碌鳩曉轉灣」的說話。
畢竟200磅的女生，都是女生呀！
「我幫你問下啦…」恐龍聽過我的提議後說。
「必要時，恐怕都要你犧牲色相，陪埋佢一齊參與呢個活動。」我說。
「預咗㗎啦！鬼叫識著你咩！」
多得恐龍的幫忙，總算是能把mary叫到下次攝影學會的活動。
這次活動是到太平山頂攝影，完全是自由參與，不過因為是穎妍策劃的關係，參與人數一定會比平時多，畢竟天下厹何其多，前後左右都總有一個。
活動是每個幹事輪流策劃的，這是我們學會的傳統，每兩星期一次。
不懂得是哪個二五仔流出了我們的順序，曝露了穎妍做搞手的日子，幾次下來，活動上都不缺她的觀音兵重重包圍，而那些觀音兵亦視我如無物。
因此，穎妍後來都會臨時和其他人對調，可是總是會有消息流出，我們亦不好意思在學會內捉鬼。
久而久之，她安排的活動都悶得要死，什麼太平山頂攝影，亦是為了趕客。
即使如此，參加的人數亦是在十五人以上，如果地點是下白泥什麼的，恐怕會有更多人想藉著日落美景浪漫氛圍來行兇。
集合地點是山頂廣場，我獨自前往，而恐龍則陪同mary到來。
可是，意料不及的事出現了。
並不是穎妍沒有到場，她即使討厭我，但作為學會幹事還是很有責任感的，不會因為我要出席就找其他人來頂替自己的崗位。
意料之外的事是mary竟然把sophia也一併帶來，那個可是中文系系花sophia！我怎想也想不到她會和mary和恐龍一同前來。
「嚇咗跳呢？」恐龍走過來說。
「嚇到個心離一離！係你嘅主意？」我問。
「唔係啦！sophia呢啲白滑大波童顏天使，小弟連同佢講句嘢都覺得沾污咗佢啦！」
「咁點解…？」
「mary話佢都想學影相喎，又聽閒攝影學會有相機借嚟用，又有人教，咁咪一齊嚟囉…」恐龍說。
「哦…咁呀…唔緊要嘅…不過，佢地兩個會唔會糖黐豆咁樣㗎？」我有點擔心，如果sophia和mary形影不離，我很難執行我的計劃。
「唔知㗎！嗱你真係唔好旨意我幫你拉走sophia，我行緊少少都扯旗呀我同你講！啱先搭車上嚟坐佢後面忍得我幾辛苦呀！」恐龍說。
「呃…咁呀…咁…見步行步啦…」
我和恐龍閒聊過後，開始盤算怎樣達到我的目的，而不遠處的穎妍亦開始我們這群人集結在一起，交代今天的流程。
「歡迎大家今日嚟參加pho soc嘅event！我地之後會行上山頂，大概半個鐘左右啦，到咗山頂之後，就自由活動，去發堀你想影嘅風景啦！」她說，不知道是我錯覺還是怎樣，總覺得她瞄了我一眼…
眾所周知，山頂廣場並非真正山頂，而是自由行的後花園，香港人行太平山從不會在山頂廣場頂留，而是直接上頂。
雖然上到頂的景色亦只能說是一般，但總好過對著那個日對夜對的石屎森林吧。
穎妍是有意把活動搞得那麼hea和沒趣的，一來她想藉此趕走陰魂不散的男生，二來是想留下一些真心喜歡攝影的人。
我和恐龍、mary、sophia一起行到山頂，沿路上，sophia比我想像中更加踴躍。
「我想問呢，咩係光圈呀？」她問。
「光圈…真係解釋咩係光圈可能有啲複雜，不過簡單嚟講，光圈即係決定你幅相景深嘅因素，光圈越大，數字越細，普遍常用嘅大光圈多數都係1.4或者1.8，用大光圈影嘅相可以突出主體，因為景深會變淺…」我一輪嘴地說，都不知sophia有沒有聽懂。
「咁咩係景深？景深變淺又係點？」她繼續問。
「景深變淺即係個background會變到濛濛地咁…」
「哦！咁影景一定唔係用大光圈鏡喇！」sophia說。
「醒目！咁應該用咩鏡？」我問。
「唔知呀！開估開估！」
「影靚景多數用wide angle，即係28mm-35mm嘅鏡頭。」我說。
「咁陣間上到頂有冇得借嚟試？」sophia問。
「呃…今日咁多人，我驚有排輪…不過唔緊要！我自己有！」我說。
「哦！唔緊要呀！俾你用啦，其他人都唔係嚟影相嘅～」突然之間穎妍上前對sophia說，並拿著學會的相機遞給她。
看來即使計劃趕不上變化，亦好像歪打正著。